Ажил, гэр, сургууль, найз нөхөд, хүүхэд асрах зэрэг амьдралын хэмнэлийн тэнцвэрийг хадгалах нь хүнд. Эцэг эх байх явдал нь стрессдүүлж, зарим өдөр давж туулахад бэрх мэт санагдахад та тамхи татаж тайвшрахыг хүсч магадгүй. Стресс бухимдлаа тайлахад туслах аргуудаас дурдвал: 

• Сайн амарч эрч хүчээ нөхөж ав. Хангалттай унтаж амрах нь эцэг эхэд эрч хүчээ нөхөж авах боломж өгдөг. Амьсгалын дасгал таныг тайван байхад тусална. Гүнзгий амьсгал аван хэдэн секунд бариад, амьсгалаа гаргана. Ингэснээр таны зүрхний цохилт удааширч, бие махбод амарч тайвширхад тусалдаг. 
• Дасгал хөдөлгөөн тогтмол хийж, зөв хооллох. Дасгал хөдөлгөөн бол стресс тайлах хамгийн шилдэг арга юм. Эрүүл хоол хүнс хэрэглэх нь таны сэтгэл санаа өөдрөг байлгана. Долоо хоногийн хоолны цэсээ гаргаж, хялбархан хийгдэх хоолыг тусгаарай 
• Асуудал болгоныг шийдэх гэж зүтгэлгүй, чухал шаардлагатайг шийдээрэй. Та аль асуудал илүү чухал, аль нь хойшлуулж болох гэдгийг шийдснээр стрессээ багасгаж чадна. 
• “Үгүй” гэж хэл. Бүх зүйлд “за” гэж хэлэх нь таныг завгүй байлгаж, гэр бүлээс тань холдуулна. Заримдаа “үгүй” гэж хэлэх нь танд хугацаа хэмнэж, тусална. 
• Хүмүүсээс тусламж хүс. Та гэр бүлийнхнээсээ тусламж авахад болохгүй зүйлгүй. Та асуухгүй л бол тэд танд юу хэрэгтэй болон яаж туслахаа мэдэхгүй. 
• Өөртөө хөрөнгө оруулалт хий. Усанд хэвтэж биеэ амраах, найзуудтайгаа оройг өнгөрөөх, гараад 20 минут алхаж ч болно. Өөрийгөө хайрлаж халамжлах нь стресс, бухимдлаа тайлах үр дүнтэй аргын нэг. 
• Гэр бүлийнхэнтэйгээ хамтдаа хөгжилдөх цаг гарга. Хамтдаа дугуй унаж, ойрхон аялалд гарах, нэг оройг гэр бүлээрээ хамтдаа тоглож өнгөрүүлэх гэх мэт.