Жирэмслэхээс өмнө, жирэмсэн үед, хүүхэд төрсний дараа  аль ч үед тамхи татах нь танд болон таны хүүхдэд хор хөнөөлтэй. Тамхинаас татгалзан өөртөө болон хүүхэддээ эрүүл ирээдүйг бэлэглэхэд хэзээ ч оройтохгүй шүү. 

Тамхи нь таны жирэмслэх боломжийг багасгадаг. Жирэмслэж чадсан ч та жирэмсэн явцад тамхиа татсаар байвал таны хүүхдийн эрүүл мэндэд  асар муу. “Өмнөх жирэмслэлтийн үед тамхи татдаг байгаад эрүүл хүүхэд төрсөн” гэж бодох нь ташаа юм. Учир нь жирэслэлт болгон өөр өөр явагддаг. Иймд,  жирэмсэний аль ч хугацаанд, ялангуяа эхэн үед тамхинаас гарснаар та хүүхэддээ эрүүл амьдралын эхлэлийг тавьж буйн хэрэг.