Эрүүл хооллолт
Та тамхиа хаяхаар биеийн жин нэмэгдэнэ гэж санаа зовж байна уу? Эсвэл тамхиа хаясны дараа биеийн жин нэмэгдээд байна уу? Биеийн жин нэмэгдэх Тамхинаас гарсны дараа биеийн жин нэмэгдэж магадгүй нөхцөлүүд байдаг. Жишээ нь:
• Тамхи татах нь таны хооллох дур хүслийг бууруулдаг
• Тамхи татах нь таны биеийн бодисын солилцоог нэмэгдүүлдэг
• Хоол хүнсээрээ тамхи татахыг орлуулж болно
• Тамхи татсанаар тайвшрах мэдрэмжийг хоол хүнснээс авах боломжтой гэх мэт
Та тамхинаас гарч байхдаа биеийн жингээ хянах боломжтой шүү. Танд эрүүл тэнцвэртэй хооллоход туслах зөвлөмж, мэдээллийг хүргэж байна. Сайн үр дүнд хүрэхийн тулд эрүүл хооллолтыг дасгал хөдөлгөөнтэй хослуулаарай. Эрүүл тэнцвэртэй хооллох Эрүүл хооллох нь олон төрлийн амин дэм, эрдэс бодис зэрэг шим тэжээлээр баялаг, энгийн нүүрс ус, транс тос зэрэг өөх тос бага хэрэглэх асуудал юм.
Доорх эрүүл хооллох зарчмыг юм идэх болгондоо санаарай:
• Тавагнийхаа тал хувийг жимс, жимсгэнэ, хүнсний ногоогоор дүүргэ
• Олон тод өнгийн ногоогоор төрөлжүүл. Тавгаа ногоон, улаан, улбар шар өнгийн ногоогоор чимэглэ.
• Өөхгүй мах, тахиа шувууны мах, далайн хүнс, шош, өндөг, самар сонгож идээрэй
• Өөх тос багатай эсвэл өөх тосгүй сүү, сүүн бүтээгдэхүүнийг сонгоорой
• Өдөр бүр хангалттай хэмжээний ус уугаарай, өөх тос багатай сүү, давс багатай шөл бас ууж болно
• Ханасан өөх тос, транс өөх тос, холестрол, давс болон сахар хязгаарлаарай
Тамхи татах нь үнэрлэх болон амтлах мэдрэмжийг бууруулдаг. Тамхиа хаясны дараа танд хоол хүнс илүү гоё амттай санагдана. Гэхдээ хэтрүүлж идэж болохгүй шүү. Эрүүл хөнгөн зууш Хэрэв та ойр, ойрхон идэж байгаагаа анзаарсан бол элсэн чихэргүй эсвэл илчлэг багатай хөнгөн зуушнуудыг сонгоорой. Жишээ нь:
• Усаа жимсний шүүстэй холих
• Бага сахар эсвэл сахаргүй хатуу чихэр хүлхэх
• Бүхэл үр, овъёосны жигнэмэг идэх
• Самар, үр тариа, үзэм, нэвс хольж бэлдэх
• 100 ккаль илчлэгээс ихгүй, амттай зүйлс сонгох
Жишээ нь: 1 аяга гүзээлзгэнэ, тоор, хөлдөөсөн жимс, атга дүүрэн үзэм эсвэл өөх тос багатай жимстэй тараг гэх мэт
Эрүүл тэнцвэртэй хооллох дадлыг хэвшүүлэх зорилгуудыг тодорхойлох
Хэрэв дээрх зарчмыг бүхэлд нь дагаж чадахгүй бол битгий урам хугараарай. Эрүүл тэнцвэртэй хооллох дадлыг хэвшүүлэхийн тулд цаг хугацаа шаардлагатай. Та хүрч чадах жижигхэн зорилт тавьж, энэ зорилтондоо хүрээд дараагийн зорилт тавиарай. Зорилтоо тодорхойлохдоо доорх 3 алхамыг мөрдөөрэй:
1. Ямар зорилт дэвшүүлэхээ бодоорой. Бодитой, хүрэхүйц зорилт тавихын тулд та хоол хүнснийхээ сонголтыг тодорхойлоорой. Таны эрүүл хооллолтын зэрэгцээ суралцах зүйлсийн жишээнүүдээс нэгийг сонгож өөрийгөө хөгжүүлээрэй.
○ Шим тэжээлийн талаар судлах
○ Эрүүл хоол хүнс худалдаж авах
○ Хоол бэлтгэх талаар сурах
○ Эрүүл хоол бэлтгэх техник аргыг сурах
○ Шинэ эрүүл хоол хүнсийг турших
○ Шинэ зүйлүүдийг турших. Жишээ нь: 7 хоногийн 1 өдөр цагаан хоолтон болох
2. Дараагийн сарын эрүүл тэнцвэртэй хооллолтын 2 зорилтыг тодорхойлоорой
3. Төлөвлөгөө боловсруул. Эрүүл тэнцвэртэй хооллох зорилгодоо хүрэх 4 алхамыг тодорхойл. Зорилтондоо хүрэхийн тулд та дахин жижиг зорилтууд тавих нь тус болно. Та өөрөө хянаж, хүрч чадах алхамуудын талаар бодоорой. Жишээ нь:
○ Өглөөний хоолны хувьд давсгүй самар, үзэм эсвэл бусад хатаасан жимс
○ Эрүүл хөнгөн зуушны хувьд өөх, тос багатай тарагтай шинэхэн жимснүүд нэмж болно
○ Өдрийн хоолны хувьд хачиртай талхандаа ногоо илүүтэй нэмээрэй
○ Оройн хоолны хувьд шарсан, хуурсан хоолноос илүү жигнэсэн, хайрсан хүнсээр солиорой
Санамж: Маш сайн төлөвлөсөн ч заримдаа алдах зүйл бий. Хэрэв зарим зорилтууд нь биелүүлэхэд хүндрэлтэй, эсвэл одоогийн төлөвлөлт тань үр дүн сайнгүй байвал шинэ зүйлсийг туршаарай. Тамхинаас гарахад тань туслах хамгийн үр дүнтэй аргыг олж мэдэхийн тулд нэгээс илүү оролдлого хийх хэрэгтэй болсон байж магадгүй. Эрүүл тэнцвэртэй хооллолтыг хэвшүүлэхийн тулд ч гэсэн хэд хэдэн оролдлого хэрэгтэй.
